Nach dä Galapagos Inslä simer alli wider nach Quito zrug cho... und ich bi mit drei Ängländer und einärä Australiärin no chli in Quito blibä. Sooonä cooli Stadt... wow mir gfallts do meega guät. Es isch hübsch, riisig, het guäts Ässä und fründlichi Lüt... fühl mi do meega wohl.



Nit nur Quito sälber sondern au d Umgäbig isch meega hübsch...so in dä Andä umgäh vo Vulkän. Mir 5 hän zwei cooli Usflüg gmacht. Mitem Teleferico-Seilbähnli ufä Husbärg vo Quito (4100müm) - Quito ligt uf 2800müm. Leider hän d Wolkä d Sicht ä chli verrt ...und au am Äquator isches chalt uf 4000müm.






Am nögschtä Dag hämer den wellä dr Vulkan Cotopaxi bestigä... oder wenigscgtens ä Teil drvo. Mir sin also muätig druflos in Richtig Parque National de Cotopaxi bis uns ä Parkwächter ufgläsä het und mir etfahrä hän, dass dr Park und d Umgäbig gsperrt isch well dr Cotopaxi Äschä und Dampf spukt und si angäblich uf Lava wartä... dr Parkwächter het uns den mitgno und mit uns ä Tour durch hübschi Landschaftä und ufä Kraterrand vomänä andärä Vulkan (Quilotoa) gmacht. Vo dä Kraterrand (3900müm) simer den abä zum Kratersee glofä...





...ä mega tolli Tour und ä super Ussicht. Abälaufä isch rächt asträngend gsi...aber machbar. Uffä... OMG... praktisch unmöglich (für mi). Mä bechunt chum Luft... wo unsärä Guide den usägfundä het dass d Seon am Meer wohnt und Basel uf ca. 400müm ligt .. isch är sich sicher gsi dass mir das nit schaffä ;-) (sicher richtig) ... är het uns zwei Muultiär organisiärt wo uns wider us däm Loch gholt hän... wow bi ich froh gsi :-)



z empfählä: Hostal San Blas in Quito, Café San Blas für sensationelli Pasta&Wy und Shibumi für hervorragends Sushi.